इटहरीका मेयर द्वारिकलाल चौधरीमाथि लागेका विभिन्न आरोप र उठेका प्रश्नहरुको छानविन गरी कारवाही गर्न नेकपा नगर कमिटि सदस्यहरुले माग गरेका छन् ।
सात जना सदस्यहरुले हस्ताक्षर गरेको ध्यानाकर्षण पत्रमा उनीहरुले चौधरीको चरित्रमाथि नै प्रश्नचिन्ह खडा हुने गरी आएका हल्ला, समाचार, फोन संवादहरुको सत्यताबारे छानविन गरी दोषी भए कारवाही गर्न माग गरिएको छ ।
व्यक्ति पार्टीभन्दा माथि नहुने जिकिर गर्दै पत्रमा भनिएको छ, ‘पार्टीमा आबद्ध जोसुकै नेतृत्व वा कार्यकर्ताले गल्ती गरेमा कारवाही, दण्ड सजाय र कसैलाई फँसाएर निमिट्यान्न पार्न चाहन्छ भने पनि कारण पत्ता लगाई विवादित विषयमा छानविन गरी आवश्यक कारवाही गर्न माग गर्दछौं ।’
उनीहरुले गलत गर्ने नेता, कार्यकर्ता जोसुकैलाई कारवाही गरी पार्टीको गुमेको शाख फिर्ता ल्याउनसमेत नगर कमिटिसमक्ष माग गरेका छन् । मेयर चौधरी गलत नभए गलत हल्ला फैलाउनेलाई कारवाही गर्न माग गरिएको छ ।
Copyright © 2019 / 2026 - Junkirikhabar.com All rights reserved
