पर्साका नेपाल पत्रकार महासङ्घका पदाधिकारी सहित ४ जना पत्रकार कोरोना सङ्क्रमित भएका छन् ।
पर्सामा आज देखिएका ३९ सङ्क्रमितमध्ये नेपाल पत्रकार महासङ्घ पर्साका पदाधिकारी सहित ४ जना पत्रकारलाई कोरोना भाइरसको सङ्क्रमण भएको नारायणी अस्पतालले पुष्टि गरेको वीरगन्जका पत्रकार केसी लामिछानेले जानकारी दिएका छन् ।
गत चैत ३१ मा तीन जनामा कोरोना सङ्क्रमण देखिएपछि रिपोर्टिङ गर्न हिँडेका ४ जना पत्रकारमा कोरोना भाइरसको सङ्क्रमण पाइएको नारायणी अस्पतालका मेडिकल सुपरिटेन्डेन्ट डा. मदन उपाध्यायले जानकारी दिएको पत्रकार लामिछानेले कपुरी न्युजलाई जानकारी दिएका छन् ।
नेपाल पत्रकार महासङ्घका ४ जनामा कोरोना सङ्क्रमण देखिएकोमा अन्यको पनि परीक्षण हुनुपर्नेमा वीरगन्जका संन्चारकर्मीहरुले माग गरेका छन् ।
Copyright © 2019 / 2026 - Junkirikhabar.com All rights reserved
