इटहरी ९ स्थित जनता माध्यमिक विद्यालयले लकडाउनको समयमा ‘अवैध’ भर्ना शुल्क उठाएको छ । ‘विद्यालयको सहयोगको लागि’ भन्दै अभिभावकहरुबाट स्कुलको नाममा रहेको बैङ्क खातामा रकम जम्मा गर्न नैतिक दबाब दिँदै शुल्क उठाउन थालेको भन्दै विरोध हुन थालेको छ ।
विद्यालयले शैक्षिक सत्र २०७७ को प्रवेश परीक्षाको लागि आवेदन फारम भरेका विद्यार्थीबाट जनही १९ हजार ७५० को दरले शुल्क उठाएको भन्दै नेपाली काग्रेस इटहरीले आपत्ती जनाएको हो । नेपाली काग्रेस इटहरीका नगरसभापति हेमकर्ण पौडेलले एक विज्ञप्ती जारी गर्दै आपत्ती जनाएका हुन ।
जनता माविमा भवन निमार्णको विषयमा समेत आर्थिक हिसाव किताव सार्वजनिक नगरेको भन्दै विद्यालयमा भष्ट्राचारको गन्ध आएको समेत विज्ञप्तीमा उल्लेख गरेको छ । बिद्यालयले बिद्यार्थीको नाममा भन्दा पनि अभिभावकको नामबाट रकम जम्मा गर्न लगाएर सरकारी स्वामित्वको विद्यालयले लाज मर्दो काम गरेको नेपाली काग्रेस इटहरीको ठहर छ ।
Copyright © 2019 / 2026 - Junkirikhabar.com All rights reserved
