नोबेल कोरोना भाइरसको संक्रमण बढ्दै गएपछी लकडाउनका बेला पनि दैनिक उपभोग्य वस्तुहरुको किनमेल गर्न अधिक भिडभाड हुने स्थान मध्येको एक इटहरी आइतबारे स्थित सब्जी मण्डिमा नेपाली काँग्रेस इटहरीले खुट्टाले हात धुने मेसिन जडान गरी सञ्चालनमा ल्याएको छ ।
नेपाली काँग्रेस इटहरीले कोभिड १९ को संभावित संक्रमणको जोखिमबाट बच्न पुर्व सावधानी अपनाउदै साबुन पानीले हात धुन उपभोक्तालाई सहज होस भनी इटहरीका केही इन्जिनियरहरुबाट डिजाईन गरि निर्माण गरेको फुट अपरेटेड हेण्ड वास मेसिन खरिद गरि सञ्चालनमा ल्याईएको जनाएको छ ।
हात धुने मेसिन सञ्चालनमा ल्याउदै इटहरी काँग्रेसका सभापति हेमकर्ण पौडेलले सिङ्गो विश्व विपत्तिमा रहेका बेला कोभिड १९ बिरुद्धको लडाइ राज्यले एक्लैले लड्न नसक्ने जनाउदै मुलुकको एउटा जिम्मेवार राजनीतिक शक्तिको हैसियतले विपत्तिमा कोभिड १९ बिरुद्धको लडाईमा आफुहरु पनि लागिपरेको प्रतिक्रिया दिए ।
सभापति पौडेलले कोरोना संक्रमणको रोकथाम तथा न्यूनीकरणका लागि आफू र आफ्नो दल नेपाली काँग्रेस इटहरी उपमहानगरपालिकालाई जस्तो सुकै सहयोग गर्न प्रतिबद्ध रहेको दोहोर्याएका छन ।
Copyright © 2019 / 2026 - Junkirikhabar.com All rights reserved
