केही दिनयता कोरोना परीक्षणलाई तीव्रता दिइएपछि प्रदेश १ मा नमुना संकलन परिमाण बढाइएको छ । पछिल्लो तथ्यांक अनुसार प्रदेश १ मा १२ हजारभन्दा बढीको परीक्षण गरिएको छ ।
मुख्यमन्त्री तथा मन्त्रिपरिषदको कार्यालयका अनुसार पीसीआर विधिबाट तीन हजारभन्दा बढीको परीक्षण गरिएको छ । यस्तै आरडिटी विधिबाट ९ हजारभन्दा बढीको परीक्षण गरिएको मन्त्रालयले जनाएको छ ।
यसैगरी मोरङका विभिन्न स्थानमा राखिएका सार्वजनिक क्वारेन्टाइनमा बसेकामध्ये २ सय १८ जना घर फर्किएका छन् । भारत, अरु देश र मुलुकका विभिन्न स्थानबाट आएका गरी २ सय ६२ जना क्वारेन्टाइनमा बसिरहेका थिए । तीमध्ये २ सय १८ जना घर फर्केको मोरङ प्रहरीले जनाएको छ ।
अब क्वारेन्टाइनमा बसिरहेकामा १० जना महिला र ३४ जना पुरुष छन् । प्रहरीका अनुसार क्वारेन्टाइनमा बस्दा नियमित स्वास्थ्यकर्मीको रेखदेख र परीक्षण गरिएको थियो । त्यसक्रममा कुनै समस्या नदेखिएपछि घर फिर्ता पठाइएको हो ।
Copyright © 2019 / 2026 - Junkirikhabar.com All rights reserved
