महामारीको रुप लिएको कोरोनाभाइरस (काेभिड-१९) संक्रमणबाट विश्वभर अहिलेसम्म जति मानिसको ज्यान गएको छ, सो भन्दा झण्डै ६ गुणा बढी मानिसहरु उपचारपछि निको भएका छन् ।
विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार मंगलबार बिहानसम्म काेराेनाका कारण मृत्यु हुनेकाे संख्या ३ लाख २० हजार १२५ पुगेकाे छ । संक्रमित हुनेकाे संख्या भने ४८ लाख ९० हजार ६६४ पुगेकाे छ ।
कुल सङ्क्रमितमध्ये १९ लाख ७ हजार १२५ उपचारपछि घर फर्किएका छन् । याे निकाे हुनेकाे संख्या ज्यान गुमाउनेकाे भन्दा ५.९५ गुणा बढी हाे । याे समाचार तयार पारिसक्दासम्म काेराेना संक्रमितमध्ये ३९ प्रतिशत निकाे भएकाे छ भने ६.५४ प्रतिशत मृत्यु भएकाे छ ।
कोरोनाको उद्गम स्थल चीन भए तापनि कोरोना संक्रमणबाट सबैभन्दा बढी मृत्यु हुनेमा अमेरिका पर्छ । अहिलेसम्म अमेरिकामा ९१ हजार ९८१ जनाको मृत्यु भइसकेको छ । संक्रमितकाे संख्या भने १५ लाख ५० हजार पुगेकाे छ । संक्रमितमध्ये ३ लाख ५६ हजार भने पूर्णरूपमा निको भइसकेका छन् । अहिले त्यहाँ ११ लाख बढीमा कोरोनाको सक्रिय रहेको छ । संक्रमितमध्ये १६ हजार ८६८ अवस्था गम्भीर रहेको छ ।
पछिल्लाे समय काेराेना भाइरसको नयाँ हटस्पट रूस बनेकाे छ । अहिलेसम्म रूसमा २ लाख ९० हजार बढी मानिस काेराेनाबाट संक्रमित भएका छन् । काेराेनाका कारण मृत्यु हुनेकाे संख्या भने २ हजार ७२२ पुगेकाे छ । संक्रमितमध्ये ७० हजार बढी पूर्णरूपमा निकाे भएका छन् । अहिले त्यहाँ २ लाख १७ हजार बढीमा काेराेना संक्रिय रहेकाे छ । तीमध्ये २३ सयकाे अवस्था गम्भीर रहेकाे छ ।
कोरोनाले भयावह पारेको अर्को देश हो, स्पेन । अहिलेसम्म स्पेनमा काेराेना संक्रमितकाे संख्या २ लाख ७८ हजार पुगेकाे छ । स्पेनमा कोरोनाका कारण २७ हजार ७०९ जनाले ज्यान गुमाएका छन् । संक्रमितमध्ये १ लाख ९६ हजार भने पूर्णरूपमा निकाे भइसकेका छन् । अहिले त्यहाँ ५३ हजारमा कोरोना सक्रिय रहेको छ । तीमध्ये १ हजार १५२ काे अवस्था भने गम्भीर रहेको छ ।
Copyright © 2019 / 2026 - Junkirikhabar.com All rights reserved
