बीपी कोइराला स्वास्थ्य विज्ञानमा गरिएको कोरोना परीक्षणमा इटहरी सुनसरीका एक जना र अर्का एक सुरक्षाकर्मीमा पनी कोरोना पोजेटिभ रिपोर्ट आएको छ । ती युवा इटहरी २ नम्बर वडाका स्थानीय बासी हुन ।
तिष्ठानको ल्याबमा गरिएको स्वाब परीक्षणमा ती युवाको रिपोर्ट पोजेटिभ आएको प्रतिष्ठान स्रोतले जनाएको छ । ती युवा इटहरीका १८ बर्षीय हुन् । उनी आफ्नो बुवासँगै आइसोलेसन वार्डमा छन् । ज्वरो आएपछि ती युवा हिजो इटहरीबाट वीपी प्रतिष्ठानको हेल्प डेस्कमा आएका थिए । उनलाई हेल्प डेस्कबाट आइसोलेसन वार्डमा पठाइएको थियो । उनी आफ्नो बुबासँगै आएका थिए ।
प्रतिष्ठान स्रोतका अनुसार उनी वीपीमा आउनुअघि इटहरीकै एक क्लिनिकमा पनि पुगेको खुलेको छ । त्यहाँबाट नै उनलाई वीपीमा रिफर गरिएको थियो । यस्तै, एक जना सशस्त्र प्रहरी पनि रिपोर्ट पोजेटिभ आएको स्रोतले जनाएको छ । ती प्रहरी पश्चिम कुसाहमा कार्यरत रहेको बताइएको छ ।
हालसम्म स्वास्थ्य तथा जनसंख्या मन्त्रालयको आधिकारिक वेवसाइटमा पनि अद्यावधिक भएको छैन । सुनसरीमा योसँगै ३ जनामा कोरोना संक्रमण पुष्टि भएको छ । अनुसार सशस्त्र प्रहरी कार्यरत रहेको स्थानसमेत खुलाइएको छैन । हिजाे स्वाब संकलन गरेर बीपी प्रतिष्ठानमा पठाइएकाे थियाे ।
हिजो मात्रै सुनसरी गढी गाउँपालिकाका एक युवालाई कोरोना संक्रमण भएको बीपी प्रतिष्ठानमै पुष्टि भएको थियो । ती युवा ११ दिन पैदल हिँडेर दिल्लीबाट नेपाल आएका थिए । वैशाख २९ गते नेपाल प्रवेश गरेका थिए भने तिनीमध्येका एक धरानका युवा पनि थिए । उनलाई नेपाली सेनाको क्वारेन्टाइनमा राखिएको छ ।
Copyright © 2019 / 2026 - Junkirikhabar.com All rights reserved
