इटहरी २ का कारोना संक्रमित युवाका आफन्त तथा साथीभाइहरु गरि २२ जनाको कोरोना परिक्षण सुरु भएको छ । हिजो इटहरीमा भेटिएका एक विद्यार्थीका आफन्त,साथीभाई र छरछिमेकी गरी २२ जनाको कोरोना जाँच सुरु भएको हो ।
कोरोना संक्रमित युवा बस्दै आएको घर तथा आफन्तहरुको पिसिआर परिक्षण भईरहेको इटहरीकी उपमेयर लक्ष्मी गौतमले बताईन । अहिले स्वाब संकलनको काम धमाधम भईरहेको छ । आज २० जनाको स्वाब संकलन हुने उपमेयरको भनाई छ । बाँकी युवाको ट्राभल्स हिष्ट्रीको आधारमा अन्य ब्यक्तिहरुको पनि स्वाब संकलन गरिने छ उपमेयर गौतमले भनिन् ।
स्वाब संकलन गरेर कोशी अञ्चल अस्पताल पठाईने छ । साथै अहिले किट अभाब भएको कारण पनि समस्या भईरहेको उपमेयर गौतम बताउँछिन । युवा गएको ठाउँका स्वास्थ्यकर्मीहरुको पनि स्वाब संकलन गरिने छ । उनी इटहरी मेडिकल र अन्य केहि स्थानीय मेडिकल समेत गएका थिए ।
खोटाङ र इटहरी २ दुबै ठाउँ घर भएका ती युवा आर्मी लाग्ने भन्दै विहान मर्निङ वाक जान्थे । नजिकै रहेको मामा घर तथा साथीहरु सँग हिडडुल गर्दै आएका युवामा कोरोना संक्रमणको पुष्टि भए सँगै इटहरीको वडानम्बर २ र ३ लाई शिल गरिएको छ । अरु बेला विहान ७ बजे देखि १० बजे सम्म खुल्ला हुदै आएको अत्यावश्यक पसलहरु समेत पूर्ण रुपमा बन्द छन । अहिले प्रशासनले इटहरी क्षेत्रलाई कडाई गरिरहेको छ ।
Copyright © 2019 / 2026 - Junkirikhabar.com All rights reserved
