इटहरी उपमहानगर र सुन्दरहरैचा नगरपालिका विच वुढिखोलामा संरचना निर्माणका क्रममा देखिएको विवाद समाधानका लागि समिति निर्माण गर्न इटहरी उपमहानगरले प्रस्ताव गरेको छ । विहान सुनसरी र मोरगका प्रमुख जिल्ला अधिकारीहरुको उपस्थितिमा सुन्दरहरैचा नगरपालिकामा भएको वैठकमा इटहरीका मेयर द्धारिकलाल चौधरीले सडक डिभिजन कार्यालयको नेतृत्वमा,सिचाई कार्यालय,दुवै नगरपालिकाका इन्जिनियरहरु रहेको समिति निर्माण गर्न प्रस्ताव गर्नुभएको हो ।
वैठकमा दुवै नगरका प्रमुख उपप्रमुख,सम्वन्धित वडाका वडाध्यक्षहरु,सडक डिभिजन कार्यालयका डिभिजनल इन्जिनियर,जलउत्पन्न प्रकोप कार्यालय,सिचाई डिभिजन कार्यालयका इन्जिनियर,दुवै नगरका इन्जिनियरहरु लगायतको सहभागिता रहेको थियो । सो समितिले अध्यन गरेर तयार पारेको प्रतिवेदनका आधारमा अधि वढनु उपयुक्त हुने इटहरी उपमहानगरका प्रमुख द्धारिकलाल चौधरीले वताउनुभयो । इटहरीकी उपमेयर लक्ष्मी गौतमले समेत आफूहरुको वटम लाइन यहि भएको जनाउनुभयो ।
कार्यक्रममा सडक डिभिजन कार्यालयका डिभिजनल इन्जिनियर पशुपति ज्ञवालीले रामार्गको पूलको पाँचसय मिटर तल माथि उत्खनन गर्न नपाइने प्रष्ट पार्नुभयोे । जल उत्पन्न प्रकोप व्यवस्थापन विभागको ६७ लाखको लागतमा पूर्व पश्चिम राजमार्गको दक्षिणतर्फ तटबन्ध निर्माण भइरहेको छ । तटबन्ध निर्माण हुनुपूर्व सो स्थानमा चौपाया पाल्ने गोठ रहेको र त्यहाँ २३ वर्ष अघि गरिएको तटबन्धको पुरानो जाली नै रहेको स्थनीय बताउँछन् ।
२३ वर्ष अघि गरिएको सो जालीभन्दा पनि भित्र अर्थात् सुन्दरहरैंचाको क्षेत्रतर्फ तटबन्ध गरिएकाले यो विवाद गर्नुको औचित्य नभएको सुन्दरहरैंचाको वडा नम्बर ४ का अध्यक्ष शैलेन्द्र श्रेष्ठले बताए । सुन्दरहरैचा नगरपालिकाले वुढिखोलाको पूर्वी किनारामा संरचना निर्माण थालेपछि विवाद उत्पन्न भएको थियो ।
