रामधुनी नगरपालिका झुम्कामा एक १८ महिने बालकको पिसीआर रिपोर्ट पोजेटिभ आएको छ ।
रामधुनी १ झुम्काका बालकमा कोरोना पोजेटिभ देखिएको नगरपालिका स्वस्थ्य शाखाले जनाएको छ ।
बालक बाबुआमासँग झुम्कास्थित क्षेत्रीय कृषि तालिम केन्द्रको क्वारेन्टाइनमा रहेका थिए । केही दिन अघि सो क्वारेन्टाइनका ३४ जनाको स्वाब संकलन गरिएको थियो ।
सोही मध्ये बालक र उनको परिवारको स्वाब पुनः परीक्षण गरि पठाइएको र सोही मध्ये बालकको रिपोर्ट पोजेटिभ आएको स्वास्थ्य शाखाले जनाएको छ ।
स्वास्थ्य शाखा प्रमुख नगेन्द्र पाैडेलका अनुसार बालककाे परिवार भारतबाट आएर क्वारेन्टाइनमा बसेका थिए । बालककाे बाबुआमा र दाजुलाई भने कोरोना संक्रमण भएको छैन ।
संक्रमित बालक र आमालाई धरानस्थित विपी कोइराला विज्ञान प्रतिष्ठान पठाइएको पौडेलले बताए ।
यस अघि रामधुनी ५ का ३० वर्षिय पुरूषलाई काेराेना संक्रमण देखिएकाे थियाे ।
Copyright © 2019 / 2026 - Junkirikhabar.com All rights reserved
