सुनसरीको इटहरीका एक पुरुषमा कोरोना पुष्टि भएको छ । जनता क्याम्पसको क्वारेन्टाईनमा बसेका एक पुरुषमा कोरोना पोजेटिभ भेटिएको हो ।
उनी एक हप्ता अगाडी भारतबाट इटहरी आएका थिए । क्वारेन्टाईनमा रहेकै बेला ज्वरो आएको र धरान स्थित विपि कोइराला स्वास्थ्य विज्ञान प्रतिष्ठानमा गरिएको पिसिआर परिक्षणमा कोरोना पोजेटिभ पुष्टि भएको इटहरीकी उपमेयर लक्ष्मी गौतमले बताईन । उनलाई हाल विपि कोइराला स्वास्थ्य विज्ञान प्रतिष्ठानको आइशोलेशनमा राखेर उपचार भईरहेको उपमेयर गौतमको भनाई थियो ।
भारतबाट आएर जनता क्याम्पसको क्वारेन्टाईनमा बसेका ५० बर्षिय पुरुषमा कोरोना पोजेटिभ भेटिएको हो । उनी इटहरी निवासी नै हुन । यो सँगै इटहरीमा कोरोना संक्रमितको संख्या २ पुगेको छ । यस अघि इटहरीकै एक युवामा कोरोना पोजेटिभ देखिएको थियो । उनी अहिले निको भएर घर फर्किसकेका छन ।
Copyright © 2019 / 2026 - Junkirikhabar.com All rights reserved
