मोरङ्खको सुन्दरहरैचा नगरपालिका वडा नम्बर ४ ले एक घर, एक बिरुवा अभियान सुरू गरेको छ ।
विषादी फलफुलको आयात रोकी अग्र्यानिक फलफुल उत्पादनमा जोड दिने उद्देश्यले वडाका प्रत्येक घरलाई अनिवार्य लागू हुने गरी एक घर, एक बिरुवा अभियान थालेको हो । सुन्दरहरैचा ४ लाई हरित नगरका रुपमा विकास गर्नका लागि यस्तो अभियान सुरु गरीएको वडा कार्यालयले जानकारी दिएको छ । बर्षाको समय सुरु भएसंगै किसानहरुको मागअनुसार फलफुलका बिरुवाहरु बितरण गरिएको हो । सुन्दरहरैचा वडाले बिभिन्न प्रजातिका आँप, लिची, मेवा, वाह्रमासे कागती , कटहर लगाएतका बिरुवा निशुल्क उपलब्ध गराएको छ । बजारमा पाउने फलफूलमा बढि मात्रामा बिषाधीको प्रयोग हुने गर्दछ जसले गर्दा उपभोक्ताको स्वास्थ्यमा प्रत्यक्ष रुपमा असर पर्ने हुदाँ आफ्नै घरमा फलफुल उत्पादन गरेर खानुपर्ने सुन्दरहरैचा वडा न ४ का वडा अध्यक्ष शैलेन्द्र श्रेष्ठ बताउछन् ।
यसरी वडाले फलफुलका बिरुवा उपलब्ध गराउदा खुसी लागेको स्थानिय लिला प्रसाद पोखरेल बताउछन् । पैसासँग विष साटेर खाने प्रवृत्तिको अन्त्यका लागि घर, खेतबारीमै अग्र्यानिक फलफुल उत्पादन गर्नुपर्ने कार्यक्रमले थप प्रेरणा र सन्देश समेत दिएको पोखरेलको भनाइ छ ।
वडा कार्यालयले वडावासीको लागी लल्याएको योजना निकै प्रशंसायोग्य भएको स्थानीय सागर कटेलले बताए ।
वडा कार्यालयले आगामी आर्थिक वर्षमा एक घर, एक विरुवा लाई थप बजेट विनियोजन गर्ने योजनो बनाएको छ ।
Copyright © 2019 / 2026 - Junkirikhabar.com All rights reserved
