गिरिजा प्रसाद कोईराला फाउण्डेशन सुनसरीले इटहरी स्थित अनाथ आश्रम र बृद्धाश्रममा बृहत स्वास्थ्य शिविर सम्पन्न गरेको छ । नेपाली राजनीतिका शिखर व्यक्तित्व स्वर्गीय गिरिजा प्रसाद कोईरालाको ९६ औं जन्मजयन्तीको अवसरमा निःशुल्क स्वास्थ्य शिविर सम्पन्न गर्दै आवश्यक औषधि समेत निःशुल्क उपलब्ध गराएको छ ।
इटहरी –४ स्थिति निःसहाय अनाथ आश्रममा रहेका ४१ जना बालबालिका र इटहरी–१६ स्थित रामजानकी बृद्धाश्रममा आश्रित ८ जना बृद्ध बृद्धाहरुको स्वास्थ्य परीक्षण गरिएको जि.पि कोईराला फाउण्डेशन सुनसरीका सह–अध्यक्ष तथा कार्यक्रम संयोजक सुर्य राईले जानकारी दिए ।
पछिल्लो समय छुट्टीको सदुपयोग गर्दै सुनसरी लगायत विभिन्न विकट इलाकाहरुमा निशुल्क स्वास्थ्य शिविर तथा औषधि वितरण कार्यक्रमलाई निरन्तरता दिएका वि.पी कोईराला स्वास्थ्य विज्ञान प्रतिष्ठानका अभियन्ता चिकित्स डा.देवराज घिमिरे सहितको चिकित्सक टोलीले स्वास्थ्य जाँच गरेका हुन ।
कार्यक्रममा नेपाली काँग्रेस सुनसरीकी जिल्ला सदस्य बिमला ढकाल, नेपाली काँग्रेस इटहरीका उपसभापति शिवराज दहाल, सचिव प्रकाश बस्नेत, नगर सदस्यहरु सुमित थापा, दिव्यराज गुरुङ्ग, रोशन तामाङ्ग, नेविसंघ सुनसरीका उपसभापति टंक दहाल लगायत उल्लेख्य नेता कार्यकर्ताहरुको उपस्थिति रहेको थियो ।
Copyright © 2019 / 2026 - Junkirikhabar.com All rights reserved
