सुनसरीमा अहिले सम्म भेटिएका १ सय २ जना कोरोना संक्रमित मध्ये ८८ जना निको भएका छन् । जिल्लामा स्वाब संकलन गरिएका मध्येबाट पोजेटिभ भेटिएका संक्रमित १ सय २ जना मध्ये ८८ जना निको भएर घर फर्किएका छन् ।स्वास्थ्य कार्यालय सुनसरीका अनुसार पछिल्लो अवस्था सम्ममा बाहिरी जिल्लामा स्वाब संकलन गरिएको ३ जना समेत सुनसरीका १ सय ५ जना संक्रमित भेटिएका छन् ।
सुनसरीमा अब आज थप भएका एकजना सहित कोरोना पोजेटिभ भेटिएका मध्ये धरान, इटहरी, रामधुनी र बर्जुका गरी १४ जना उपचारको क्रममा छन् । स्वास्थ्य कार्यालय सुनसरीका अनुसार उनीहरु सबैको अवस्था सामान्य छ ।सुनसरीमा सबैभन्दा बढी भोक्राहामा १९ जना संक्रमित भेटिएका थिए । सबैभन्दा कम दुहबी नगरपालिकामा १ जना कोरोना पोजेटिभ पाइएका हुन् ।
स्वास्थ्य कार्यालयले सार्वजनिक गरेको तथ्याङक अनुसार जिल्लामा सबैभन्दा बढी २१ देखि ३० वर्ष उमेर समूहका व्यक्तिमा कोरोना पोजेटिभ भेटिएको छ । त्यसपछि दोस्रो नम्बरमा ११ देखि २० वर्ष उमेर समूह रहेको छ । ६१ वर्ष भन्दा माथि कोरोना संक्रमित भेटिएको संख्या २ मात्र छ ।
Copyright © 2019 / 2026 - Junkirikhabar.com All rights reserved
