सुनसरीको इटहरीमा कोरोना संक्रमित भएका व्यक्तिहरु होम क्वारेण्टिन र होटल क्वारेण्टिनमा बस्न पाउने भएका छन् ।
कोभिड नियन्त्रण रोकथाम र क्वारेण्टिन संचालन तथा व्यवस्थापनका लागि इटहरी उपमहानगरका प्रमुख द्धारिकलाल चौधरीको अध्यक्षतामा बसेको बैठकले सरकारको होम क्वारेण्टिन सम्बन्धी मापदण्ड २०७७ अनुसार घरैमा सेल्फ क्वारेण्टिनमा बस्न सकिने निर्णय गरेको हो ।
यसरी होम क्वारेण्टिनमा बस्न वडा कार्यालयको सिफारिस अनिर्वाय गरिएको छ । खाना र आवासका लागि न्यूनतम शूल्क लिने गरि तोकिएका होटलहरुमा पनि बस्न पाउने निर्णय गरिएको जनाइएको छ ।
बैठकमा सुनसरीका प्रमुख जिल्ला अधिकारी, प्रहरी प्रमुख, शशस्त्र प्रहरी र नेपाली सेनाका प्रतिनिधि, जनप्रतिनिधि, होटल ब्यवसायी, स्वास्थ्यकर्मी लगायतको उपस्थितति रहेको थियो ।
इटहरी उपमहानगरले कोरोना जोखिम कायमै रहेकाले स्वास्थ्य मापदण्ड पालना गर्न उपमहानगरवासीलाई आग्रह गरेको छ । उपमहानगरले होम तथा होटल क्वारेण्टिनमा वसेकाहरुको कन्ट्रयाक्ट ट्रेसिङ परामर्श र परीक्षण सेवा उपलब्ध गराउने भएको हो ।
Copyright © 2019 / 2026 - Junkirikhabar.com All rights reserved
