इलाका प्रहरी कार्यालय इटहरीका प्रहरीहरुसँग सम्पर्कमा आएका एक व्यक्तिमा कोरोना पोजेटिभ देखिएको छ ।
राजस्व चुहावटको आरोपमा गत साउन ४ गते सशस्त्र प्रहरीले पक्राउ गरी इलाका प्रहरी कार्यालय इटहरीमा बुझाएको व्यक्तिमा कोरोना पुष्टि भएको हो । ती व्यक्ति अन्य थुनुवासँगै एक रात प्रहरी कार्यालयको थुनुवा कक्षमा बसेका थिए ।
राजस्व अनुसन्धान विभागको कार्यालय इटहरीको नियन्त्रणमा रहेका ती व्यक्तिको पिसिआर चेक गर्दा कोरोना पोजेटिभ पाइएको हो । विराटनगर घर भएका ती संक्रमित व्यापारीलाई गत साउन ६ गते स्वाव परिक्षण गदा कोरोना पोजेटिभ देखिएको होे ।
२५ वर्षिय ती युवकलाई कोरोना पुस्टि भएसंगै प्रहरी कार्यालयको थुनामा रहेका ८ जनाको िपसिआर चेकजाच तयारी थालिएको छ । इलाका प्रहरी कार्यालय इटहरी प्रहरी प्रमुख डिएसपी धर्मराज भण्डारीका अनुसार थुनुवासँगै पाँच जना प्रहरीको पनि पिसिआर परिक्षण गर्ने तयारी छ ।
युवकलाइ मोरङको गोठगाउँस्थित आइसोलेसन वार्डमा राखि उपचार सुरू गरिएको इलाका प्रहरी कार्यालय इटहरीले जानकारी दिएको छ ।
Copyright © 2019 / 2026 - Junkirikhabar.com All rights reserved
