विराटनगरस्थित कोशी अस्पतालमा कार्यरत नर्सलाई कोरोना पोजेटिभ भएपछि पोस्नेटल वार्ड सिल गरिएको छ ।
विराटनगर अस्पतालका चिकित्सकलाई कोरोना संक्रमण भेटिए पछि उनको सम्पर्कमा आएका कर्मचारी र स्वाथ्यकर्मीहरुको स्वाब टेष्ट गर्दा कोशी अस्पतालमा कार्यरत गाइनो विभागकी नर्समा पनि पोजिटिभ पाइएको थियो । उनले विराटनगर अस्पतालमा पनि काम गर्ने गरेकी थिइन ।
कोशी अस्पतालका एक जना चिकित्सकलाई पनि पोजिटिभ भए पछि उनीहरुको सम्पर्कमा आएकाहरुको स्वाब संकलन गरिएको कोशी अस्पतालका मेसु डाक्टर चुमनलाल दासले जानकारी दिनु भयो ।
उहाँले कोशी अस्पतालमा कार्यरत कर्मचारीर स्वास्थ्यकर्मीहरुको स्वाब संकलन भइरहेको र रिपोर्ट आए पछि अस्पतालमा कस्तो कदम चाल्ने भनेर विचार गरिने बताउनु भयो । उहाँले पोजिटिभ देखिएका स्वास्थ्यकर्मीहरुको सम्पर्कमा आएकाहरुलाई क्वारेन्टाइनमा राखिएको र अन्य स्वास्थ्यकर्मी एवं कर्मचारीहरुको पनि पीसीआर टेष्ट गरिने जानकारी दिनु भयो ।
Copyright © 2019 / 2026 - Junkirikhabar.com All rights reserved
