इटहरी उपमहानगरपालिकाको एक कर्मचारीलार्ई कोरोना संक्रमण पुष्टि भए सँग उपमहानगरको आकस्मिक बैठकले इटहरी उपमहानगरपालिका र सबै वडा कार्यालयको काम बन्द गर्ने निर्णय गरेको छ ।
पहिलो चरणमा उपमहानगर र २० वटै वडा कार्यालयमा कार्यरत सबै कर्मचारी, जनप्रतिनिधिको स्वाब परीक्षण गर्ने र त्यस पछिको अवस्था हेरेर मात्रै कार्यालय खोल्ने बैठकमा निर्णय भएको इटहरी उपमहानरपालिकाकी उपमेयर लक्ष्मि गौतमले बताईन । उनले भनिन पहिलो चरण सबैको स्वाब परिक्षण पछि मात्र कार्यालय खोल्ने विषयमा कुरा हुन्छ ।
इटहरी भित्र लाग्दै आएको हाटबजार पूर्ण रूपमा बन्द गर्ने, बाहिरी पसल, होटेल तथा व्यवसाय स्वास्थ्य अवस्थालाई ध्यान दिएर मात्रै खोल्न पाउने पनि निर्णय भएको छ । इटहरीमा कोरोना सङ्क्रमणको जोखिम उच्च भएकोले बजारको भिडभाड कम गराउँने निर्णय भएको हो ।
Copyright © 2019 / 2026 - Junkirikhabar.com All rights reserved
