साउन १८, २०७७
जुनकिरी खबर

इटहरीमा थप एक जनामा कोरोना पुष्टि

इटहरी महानगरपालिकामा कार्यरत कोरोना संक्रमित इन्जिनियरका छोरामा पनि कोरोना भाइरसको संक्रमण पुष्टि भएको छ।

इन्जिनियरमा कोरोना संक्रमण पुष्टि भए सगै परिवार सहित पहिलो चरणमा ७८ जनाको पिसिआर टेस्ट गरिएको थियो । त्यो मध्य ४० जनाको स्वाब धरान स्थित वीपी कोइराला बिज्ञान प्रतिस्ठान पठाएकोमा सक्रमित इन्जिनियरको छोरोमा भने कोरोना पोजेटिभ देखिएको उपमेयर लक्ष्मी गौतमले जानकारी दिइन्।

इटहरीका मेयर द्वारिकलाल चौधरी सहित केहि जनप्रतिनिधी र कर्मचारीको रिपोर्ट भने नेगेटिभ आएको छ । बाकी स्वाब बिराटनगर पठाईएको कारण रिपोर्ट आउन ढिलाई भएको त्यो रिपोर्ट पनि केहि बेरमा आउने छ इटहरी अस्पतालका रामकुमार धमलाले भने ।