चरम लापरवाहीका कारण धरान उपमहानगरपालिकामा कोरानोको संक्रमण समुदाय स्थरमा फैलिएको छ। धरानको तीनकुने स्थित प्रिति भल्भ एण्ड फिटिङस इण्डष्ट्रिज प्रालीबाट धरानमा समुहदाय स्थरमा कोरोना संक्रमण फैलिएको हो।
प्रिति भल्भमा कार्यरत २८ वर्षीय पुरुषमा सुरुमा कोरना संक्रमण देखिएको थियो। उनलाई कोराना देखिएपछि उपचारका लागि तत्काल बिपी कोइराला स्वास्थय विज्ञान प्रतिष्ठान धरानमा भर्ना गरियो। तर, प्रिति भल्भ एण्ड फिटिङस इण्डष्ट्रिज प्रालीलाई सिल गरेर सावधानी अपनाउनु पर्ने भए पनि स्थानीय प्रशासनले उक्त उद्योग संचालनमा रोग नलगाउँदा कोराना धरानको समुदाय स्थरमा फैलियो।
उद्योगमा काम गर्ने ४३ वर्षीय पुरुष र अर्का २८ वर्षीय पुरुष जनकपुर र उदयपुर लगायतका स्थानमा गइ घुमफिर गरेपछि उनीहरुले नै कोराना धरानमा भित्राएको पुष्टिसमेत भएको छ। सुरुमा सावधानी नअपनाउँदा उद्योगमा काम गर्ने ४३ वर्षीय पुरुषकी ३४ वर्षीया श्रीमती, ९ वर्षीय छोरा र ५ वर्षीया छोरीमा समेत कोराना पोजिटिभ देखियो। उनीहरु धरान ८ को सिद्धकाली चोकमा र अर्का व्यक्ति धरान १ को लक्ष्मी चोकमा बस्दै आएका थिए।
पाँचै जनालाई आइतबार उपचारका लागि बिपी कोइराला स्वास्थ्य विज्ञान प्रतिष्ठानमा भर्ना गरिएको धरान उपमहानगरपालिकाका स्वास्थय शाखा प्रमुख उमेश मेहताले जानकारी दिए।
Copyright © 2019 / 2026 - Junkirikhabar.com All rights reserved
