प्रदेश १ मा बुधबार १८ जना कोरोना संक्रमित थपिएका छन् । मोरङमा १४, इलाममा २, उदयपुर र सुनसरीमा १÷१ जना गरी १८ जनामा संक्रमण देखिएको सामाजिक विकास मन्त्रालयले जनाएको छ ।
मोरङको विराटनगरका ६ पुरुष र ४ महिला, सुनबर्षीका ३ र धनपालथानका १ पुरुष, इलामको इलाम नगरपालिका र सुर्योदयका १-१ पुरुष, उदयपुरको त्रियुगाका १ महिला र सुनसरीको धरानका १ पुरुषको रिपोर्ट पोजिटिभ आएको मन्त्रालयले जनाएको छ । योसँगै प्रदेश १ मा कोरोना संक्रमितको संख्या १ हजार १ सय ८९ पुगेको छ ।
९० वर्षीया वृद्धासँगै ५७ जनाले जिते कोरोना
प्रदेश १ बाट बुधबार ९० वर्षीया वृद्धासहित ५७ जना डिस्चार्ज भएका छन् । पूर्वाञ्चल विश्वविद्यालय कोभिड १९ आइसोलेसन अस्पतालबाट ३६ जना र कोशी अस्पताल कोभिड १९ उपचार केन्द्रबाट २१ जना डिस्चार्ज भएको सामाजिक विकास मन्त्रालयले जनाएको छ ।
विराटनगरबाट डिस्चार्ज भएकालाई सामाजिक विकास मन्त्री जीवन घिमिरे, कोशी अस्पताल विराटनगरका मेडिकल सुपरीटेन्डेन्ट डा. चुमनलाल दासलगायतले विदाइ गरेका थिए।
बुधबार डिस्चार्ज हुनेमा मोरुङका २६, झापाका १६, सुनसरी र इलामका ६-६, धनकुटा, उदयपुर र तेह्रथुमका १-१ जना रहेका छन् । प्रदेश १ मा डिस्चार्ज हुनेको संख्या ८ सय ८७ पुगेको छ।
प्रदेश १ मा बुधबार ६ सय १६ जनाको पीसीआर परीक्षण गरिएको छ । परीक्षण गरिएकामध्ये ५ महिला र १३ पुरुषको रिपोर्ट पोजिटिभ आएको सामाजिक विकास मन्त्रालयले जनाएको छ ।
Copyright © 2019 / 2026 - Junkirikhabar.com All rights reserved
