प्रदेश १ मा बिहीबार हालसम्मकै सबैभन्दा बढी कोरोना भाइरसका संक्रमित थपिएका छन् । प्रदेशको सामाजिक विकास मन्त्रालयका प्रवक्ता डा. सुरेश मेहताकाअनुसार प्रदेशमा ६६ जनामा संक्रमण पुष्टि भएको छ ।
उनले मोरङका २४, सुनसरीका १९, इलामका १५ र झापाका आठजनामा कोरोना संक्रमण पुष्टि भएको जानकारी दिए । हालसम्म प्रदेशमा एकै दिनमा ६० जनाभन्दा बढी संक्रमित भेटिएका थिएनन् ।
प्रदेश १ मा बिहीबार एक हजार ५४ जनाको पीसीआर परीक्षण भएको थियो । परीक्षण गरिएका मध्ये १५ महिला र ५१ पुरुषको रिपोर्ट पोजिटिभ आएको मन्त्रालयले जनाएको छ ।
मोरङको विराटनगरमा ११ पुरुष १० महिला, बेलबारीमा दुई र रंगेलीमा एक पुरुष, सुनसरीको धरानमा ११ पुरुष, तीन महिला, इटहरीमा चार पुरुष, एक महिला, इलामको इलाम नगरपालिकामा १५ पुरुष, झापाको मेचीनगरमा सात पुरुष, एक महिलाको कोरोना रिपोर्ट पोजिटिभ आएको हो ।
प्रदेश १ मा हालसम्म कोरोना संक्रमितको संख्या एक हजार दुई सय ५५ पुगेको छ । प्रदेश १ मा बिहीबार १८ जना डिस्चार्ज भएका छन । पूर्वाञ्चल विश्वविद्यालय कोभिड १९ आइसोलेसन अस्पताल गोठगाउँबाट १२ र बीपी कोइराला स्वास्थ्य विज्ञान प्रतिष्ठान धरानबाट छ जना डिस्चार्ज भएको मेहताले बताए ।
डिस्चार्ज हुनेमा झापाका नौ, मोरङका छ, मोरङ, सुनसरी र पाँचथरका एक÷एक जना रहेका छन् । प्रदेश १ मा डिस्चार्ज हुनेको संख्या ९ सय ५ पुगेको छ ।
Copyright © 2019 / 2026 - Junkirikhabar.com All rights reserved
