सुनसरीमा १८ सहित प्रदेश १ मा आज ९८ जनामा कोरोना संक्रमण देखिएको छ ।
संक्रमितहरू मध्यो ६४ जना पुरूष र ३४ जना महिला रहेको सामाजिक विकास मन्त्रालयले आजको कोभिड–१९ अध्यावधिक अपडेटमा उल्लेख गरेको छ ।
मन्त्रालयका अनुसार आज प्रदेश १ मा सबै भन्दा बढि मोरङमा ६१ जना, सुनसरीमा १८ जना, उदयपुरमा १५ जना, झापामा २ जना र ताप्लेजुङ्ग, इलाम र इनरूवामा १–१ जनामा कोरोना संक्रमण पुष्टि भएको छ ।
संक्रमण देखिएकाहरू मध्य मोरङको विराटनगरमा २१ महिला र २९ पुरूष, बेलबारीमा १ पुरूष र बुढिगंगामा १० पुरूष रहेका छन् । त्यस्तै, सुनसरीको धरानमा २ महिला र २ पुरूष, दुहबीमा २ महिला र ५ पुरूष, देवानगञ्जमा ३ पुरूष, हरीनगरमा १ पुरूष र १ जनाको ठाउ नखुलेको रहेका छन् ।
उदयपुरमा बेलकाका ४ महिला र ३ पुरूष, त्रियुगाका ३ महिला र ५ पुरूष रहेका छन् । झापाको मेचिनगरका १ महिला र १ पुरूष, इनरूवाको नाम नखेलेको १ जना रहेका छन् । भने ताप्तेजुङको फुङ्गलिङ्ग र इलामको सुरूयोदयका १ –१ जना पुरूष रहेका अपडेटमा उल्लेख गरीएको छ ।
मन्त्रालयका अनुसार आज १ हजार ६ सय ८२ जनामा गरिएको परिक्षणमा ९८ जनामा संक्रमण देखिएको हो । प्रदेश १ मा हाल सम्म ५६ हजार ४ सय १६ जनामा गरिएको परिक्षणमा १ हजार ५ सय ६२ जनालाइ कोरोना संक्रमण देखिएको छ ।
Copyright © 2019 / 2026 - Junkirikhabar.com All rights reserved
