सुनसरीको इटहरीमा थप दुइ जनामा कोरोना पुष्टि भएको छ । धनकुटा घर हुनुभएकी तर इटहरी बसोबास गर्दै आएकी प्रदेश एक सांसद माननीय कुसुम श्रेष्ठ सहित २ जनामा कोरोना संक्रमण पोजेटिभ भएको हो ।
गत साउन २४ गते धरान स्थित एन्फा क्वारेन्टिनमा स्वाव परीक्षण गरेको र २८ गते कोरोना पोजेटिभ आएको इटहरी अस्पतालले जनाएको छ । हाल उनको परिवार इटहरी ४ मा बस्दै आएका छन ।
त्यसैगरी इटहरी ४ कै एक पुरूषमा पनि कोरोना संक्रमण भएको छ संक्रमित पुरुष उनकै श्रीमान हुन । दुवैजनाले एकैदिन एकै स्थानबाट स्वाब संकलन गरी परिक्षणका लागि पठाएका थिए ।
यसैबिच इटहरीमा दुई जना थपिए संगै इटहरीमा कोरोना संक्रमित हुनेहरूको संख्या ३२ पुगेको छ भने १६ जना उपचार पछि घर फर्किसकेका छन ।
Copyright © 2019 / 2026 - Junkirikhabar.com All rights reserved
