सुनसरीको इटहरी स्थित रहेको जनता बहुमुखी क्याम्पसका प्राध्यापकहरु बीच भएको विवादित विषयलाई सात दिनभित्र टुङ्याउन माग गरिएको छ ।
नेपाल विद्यार्थी संघ जबक्या इकाइ समितिले सोमबार एक विज्ञप्ती जारी गर्दै क्याम्पस बाहिर भएका व्यक्तिगत घटनालाई क्याम्पसको नाम जोडेर क्याम्पसको बदनाम गराउने र मर्यादा विपरित कुराकानी गर्ने प्राध्यापहरुमाथी छानबिन गरी कडा भन्दा कडा कारबाही गर्न माग गरेको हो ।
केही दिन अघि क्याम्पसका प्राध्यापकद्धय राजन भट्टराई र कृष्ण कला राई बीचको कुराकानीलाई विभिन्न संचारमाध्यम र सामाजिक संजालमा आएको र विभिन्न टिकाटिप्पणी भएको भन्दै तत्काल यस विषयलाई टुङ्याउन ईकाइ कमिटिले क्याम्पस प्रशासन समक्ष आग्रह गरेको छ ।
सो विषयलाई ७ दिन भित्र टुङ्गो नलगाएमा आन्दोलन गरिने जारी विज्ञप्तिमा उल्लेख छ ।
बुधबार राती क्याम्पसका प्राध्यापक भट्टराईले आफूमाथि यौनजन्य दुर्व्यवहारको नियतले फोन संवाद गरेको भन्दै कृष्णकला राईले आरोप लगाएकी थिइन् ।
Copyright © 2019 / 2026 - Junkirikhabar.com All rights reserved
