इटहरीमा १८ गते देखि चाडवाडलाई लक्षित गर्दै बजार खुल्ला गर्ने गरिएको छ । आवश्यक मापदण्ड तयार गरेर बजारलाई खुकुलो बनाउने तयारी गरिएको इटहरी उपमहानगरपालिकाले जनाएको छ ।
सबै सुरक्षा अपनाएर बजार पसल खुल्ला गर्ने तयारी गरिरहेका छौ इटहरीकी उपमयेर लक्ष्मी गौतमले भनिन् । लामो समय सम्म ब्यवसाय बन्द हुदा समस्या हुदै गएको भन्दै बजार केहि खुकुलो गर्न लागिएको उपमेयर गौतमको भनाई छ ।
हाट बजार लाग्न नदिने गरि विशेष सुरक्षा अपनाएर मात्र बजार खुकुलो बनाउँने तयारी भएको छ । तरकारीहरु टोल टोलमै डुलाएर बेच्न दिने गरि तयारी भईरहेको तर निर्णय भने भएको छैन उपमेयर गौतमले भनिन् । अहिले साझमा भट्टी पसलहरु फस्टाएको भन्दै यस्ता गतिविधि रोक्न पहल गरिने इटही उपमहानगरपालिकाले जनाएको छ । अहिले ५ बजे पछि होटलहरुमा मादक पदार्थ खानेहरुको भिड लाग्ने गरेको भन्दै यस्तो नगर्न उपमेयरको आग्रह छ ।
यता इटहरी उद्योग बाणिज्य संघका अध्यक्ष भिम पौडेलले इटहरीमा आवश्यक सुरक्षा अपनाएर बजार खोलिने बताएका छन । लामो समय सम्म बजार नखोल्दा ब्यापारीहरु बैकको ब्याज र घरभाडा तिर्ने नसक्ने अवस्थामा पुगेको भन्दै आवश्यक सुरक्षा अपनाएर बजार खोल्ने तयारी भएको बताए ।
Copyright © 2019 / 2026 - Junkirikhabar.com All rights reserved
