भदौं १८ गते बिहिबारबाट सुरक्षाका विधि अपनाएर बिहान ११ बजेसम्म सुनसरी जिल्लाका बजारहरु खुल्ला गरिने भएको छ । आज जिल्ला प्रशासन कार्यालय सुनसरीमा बसेको बैठकले यस्तो निर्णय गरेको हो । बैंठकमा सहभागी जिल्लाभरीका उद्योग वाणिज्य संघका पदाधिकारीहरु र व्यपारीहरुले चाडपर्व नजिकिएसंगै व्यवसाय सुचारू गर्न पाउनुपर्ने माग राखेका थिए ।
ब्यवसायीहरूको मागलाई मध्यनजर गर्दै जिल्ला प्रशासनको कार्यालय सुनसरीले आगामी भदौ १८ गते देखि जिल्लाभरी रहेका ब्यापार व्यवसायहरू सञ्चालन गर्ने तयारी थालेको हो । आवश्यकीय सुरक्षा सतर्कता अपनाइ सचेतना जगाउदै भिडभाड नहुने गरी बिहान ११ बजे सम्म पसलहरू खोल्ने तयारी भइरहेको सुनसरीका प्रमुख जिल्ला अधिकारी फडिन्द्रमणी पोख्रेलले जानकारी दिएका छन् ।
हिन्दु नेपालीहरूको महान पर्व बडादशै र तिहार नजिकिए संगै धेरैजसो ब्यवसायीहरूले पसल खोल्न पाउनुपर्ने माग राखेसंगै सोमबार बिहान जिल्लामा रहेका सबै उद्योग वाणिज्य संघका पदाधिकारीहरू संग अब के गर्ने भन्ने बिषयमा छलफल गरिएको छ । सोहि छलफलबाट सिमित समय तोकेर ब्यवसाय खोल्न दिने निर्णय भएको सुनसरीका प्रमुख जिल्ला अधिकारी पोख्रेलले बताए ।
उनका अनुसार फिल्म हल, शैलुन, ब्युटी पार्लर बन्द नै रहने छ । प्रसाशनले भदौ १८ गते देखि ब्यवसाय खोल्ने तयारी गरेसंगै इटहरीमा पनि साना तथा ठुला ब्यवसायीहरू आ–आफ्नो पसलहरू खोल्ने तयारीमा लागेका छन । यस अघि चौथो पटक म्याद थप्दै भदौ १७ गते राती १२ बजे सम्म जिल्लालाई निषेधित क्षेत्र घोषणा गरीएको छ ।
Copyright © 2019 / 2026 - Junkirikhabar.com All rights reserved
