कोरोना संक्रमणमा परेकाहरुलाई प्रदेश एक सरकारको सहयोगमा इटहरी उपमहानगरले धमाधम आइसोलेसन वार्ड बनाउँन थालेको छ । इटहरी ९ स्थित इटहरी रंगशालामा निमार्णधिन सय वेडको आईसोलेसन वार्ड निमार्णको कामले तीव्रता पाएका हो ।
इटहरीमा बढि जनसंख्या भएकोले संक्रमणको दर समेत बढ्न सक्ने भन्दै आइसोलेसन वार्ड निमार्णमा तीव्रता दिएको इटहरी ९ का वडाध्यक्ष तथा निमार्ण संयोजक भुपेन्द्र बरालले जनाए । बरालले भने म औरात्र आइसोलेसन बनाउँन खटिरहेको छु ।
सय वेडको आइसोलेसन वार्डमा अहिले धमाधम काम भईरहेको छ । अहिले खानेपानी तथा बाथरुम र शौचालय निमार्णको कामले प्रथामिकता पाईरहेको वडाध्यक्ष बराल बताउँछन । आइसोलेसन वार्डमा फ्रि वाईफाईका साथै विजुलीको पोलहरु लौजाने काम भईरहेको बरालको भनाई छ ।
संक्रमितहरुको संख्या बढ्दै गएको कारण अहिले हामी गम्भिर भएका छौ बरालले भने । ५ दिन भित्र आइसोलेसन वार्ड तयारी अवस्थामा भईसक्ने बताईएको छ । सबै सामाजिक अगुवा तथा इटहरीबासीले धेरै सहयोग गरेका छन बरालले भने ।
Copyright © 2019 / 2026 - Junkirikhabar.com All rights reserved
