होटेल व्यवसायी संघ इटहरीले होटल खोल्ने भएको छ । सुनसरीका प्रमुख जिल्ला अधिकारीलाई ज्ञापन पत्र बुझाउँदै संघले दुई चरणमा होटल खोल्न लागेको जनाएको हो । उसले होटल सञ्चालन गर्ने वातावरण बनाइदिन माग गरेको छ ।
पहिलो चरणमा भदौ २५ गतेदेखि सानो लगानीका चिया पसल, खाजा घर तथा रेस्टुरेन्ट खोल्ने र दोस्रो चरणमा असोजदेखि ठुला होटेल तथा लज सञ्चालनको तयारी रहेको संघले जनाएको छ ।
६ महिनादेखि जारी लकडाउनको कारण हजारौँ व्यवसायी तथा कर्मचारीहरूमा आश्रित परिवारको अवस्था भयावह हुँदै गएकोले होटेल खोल्नुको विकल्प नरहेको संघले जनाएको छ ।
दुरी कायम गर्ने तथा सुरक्षाको उपाय अपनाएर होटल तथा जलहरू खोल्ने व्यवस्था मिलाइदिन जिल्ला प्रशासन समक्ष माग गरिएको सङ्घका अध्यक्ष जीवन पराजुलीले बताए ।
Copyright © 2019 / 2026 - Junkirikhabar.com All rights reserved
