इटहरीमा थप ८ जनामा कोरोना भाइरस संक्रमणको पुष्टि भएको छ । २५ गते गरिएको स्वाब संकलनमध्ये तरहराका चारजना सहित इटहरीमा थप ८ जनामा कोरोना संत्रमण भएको इटहरी उपमहानगरपालिकाको स्वास्थ्य शाखाले जनाएको छ ।
संक्रमित हुनेहरुमा इटहरी २० तरहराका ४८, २६, ३२ बर्षीया महिला र ३१ बर्षीय पुरुष रहेका छन् । इटहरी २० का वडाध्यक्ष मणिराम श्रेष्ठका अनुसार चार जना मध्ये दुई जना माइक्रोफाइनान्समा काम गर्ने व्यक्ति हुन् ।
ठेगाना इटहरी २० उल्लेख गरिएपनि उनीहरु होम आइसोलेसनमा रहेका छन् । त्यस्तै, एक महिला भने वीपी प्रतिष्ठानमा रहेकी छिन् भने अर्की एकजना महिला भने तरहरामै होम आइसोलेसनमा रहेको वडाध्यक्ष श्रेष्ठले जानकारी दिए ।
त्यस्तै, अन्य संक्रमित हुनेहरु इटहरी ४ का १ जना, ५८ बर्षीया महिला, इटहरी १२ का १ जना, ५९ बर्षीया महिला, इटहरी १३ का २ जना २६ र ४८ बर्षीय पुरुष रहेका छन् । यो सँगै इटहरीमा हालसम्म कोरोनाबाट संक्रमित हुनेको संख्या ३ सय १७ पुगेको छ ।
Copyright © 2019 / 2026 - Junkirikhabar.com All rights reserved
