असोज ३, २०७७
जुनकिरी खबर

इटहरी चोकमा संविधान दिवसको अवसरमा सरसफाइ

संविधान दिवसको अवसरमा युवा अभियानता हरुले इटहरी बिरेन्द्र चोकमा सरसफाइ गरेका छ्न । संविधान दिवसको अवसर पारेर ग्रीन मेन गोडमेल अभियान अन्तर्गत आज आठौं हप्ता इटहरी बिरेन्द्र चोकमा सरसफाइ साथै गोडमेल गरिएको अभियान्ता सुरेश कार्कीले बताउनु भएको छ ।

इटहरीका विभिन्न क्लब , नगर प्रहरी साथै स्वोत स्पुर्त युवाहरु द्वारा गरिएको उक्त कार्यक्रममा इटहरीका मेयर द्वारिकलाल चौधरी र उपमेयर लक्ष्मी गौतमको समेत सहभागितामा रहेको थियो भने अबका दिनमा बृक्षारोपणका साथै गोडमेल र हुर्काउने अभियान पनि निरन्तरता दिनुपर्ने उपमेयरले बताउनु भएको थियो ।

इटहरीलाई जंगल भित्रको सहर बनाउने लक्ष्यका साथ एक बर्षमा एक लाख बिरुवा हुर्काउने अभियानमा निरन्तर खटिनु भएका अभियानता हरुलाई धन्यवाद दिदै यो बर्ष लाई बिरुवा गोडमेल र गणना बर्षको रुपमा संचालन गर्ने निति उपमहानगरले उल्लेख गरेको बताउनु भयो ।

साथै आज संविधान दिवसको अवसरमा इटहरीबासी हरुलाई शुभकामना प्रदान गर्दै आझ घरमा दिपप्रज्वलन गर्न आग्रह सहित इटहरी चोकमा समेत साझमा दिप प्रज्वलन कार्यक्रम रहेको उपमेयर ले बताउनु भयो ।