कोरोनाका कारण आर्थिक अवस्थामा मन्दी आएपछि इटहरी उपमहानगरपालिकाले करमा छुटको व्यवस्था गरेका छ । उपमहानगरपालिकाले करमा बम्पर छुटको योजना अगाडी सारेको हो ।
व्यवसाय करमा आर्थिक बर्ष २०७२ । ७३ को शतप्रतिशत मिनाहा गरेको इटहरी उपमहानगरपालिकाकी उपप्रमुख लक्ष्मी गौतमले बताईन । सबै व्यवसायीहरुको व्यवसाय कोरोनाले चौपट पारेको निष्कर्ष निकाल्दै किराना, साना होटल तथा रेष्टुरेण्ट, कपडा पसललगायतका सबै व्यवसाय कर मिनाहा गरेको उपप्रमुख गौतमले बताईन ।
आर्थिक बर्ष २०७३।७४ देखिको व्यवसाय कर २०७७ माघ सम्म बुझाएमा थप शुल्क दस्तुर र जरिवना छुट गरिएको छ । त्यस्तै २०७६।७७ को कर माघ मसान्त सम्म बुझाए २५ प्रतिशत छुटको व्यवस्था गरिएको इटहरी उपमहानगरपालिकाले जनाएको छ । २०७७।७८ सालको कर पनि माघ मसान्त सम्म बुझाए २० प्रतिशत छुटको व्यवस्था गरिएको इटहरी उपमहनगरले जनाएको छ ।
घर बहाल करमा पनि छुट
इटहरी उपमहानगरपालिकाले २०७५ साल अगाडिका सबै घर बहाल कर मिनाहा गर्ने भएको छ । घरबहाल करमा इटहरीका घरधनीलाई सहज बनाउँन खोजिएको इटहरी उपमहानगरले जनाएको छ ।
२०७५ साल पछिका घर बहाललाई भने क्रमस करमा छुट दिने समेत बजेटमा उल्लेख छ । आर्थिक बर्ष २०७५।०७६ मा ५० प्रतिशत छुट,आर्थिक बर्ष २०७६।०७७ मा ३० प्रतिशत छुट र २०७७।०७८ मा लाग्ने बहाल करमा ३० प्रतिशत छुटको व्यवस्था गरिएको इटहरी उपमहानगरपालिकाले जनाएको छ ।
Copyright © 2019 / 2026 - Junkirikhabar.com All rights reserved
