सुनसरीको इटहरीबाट ६७ बन्डल पटकासहित दुई जना पक्राउ परेका छन् । इटहरी–५ स्थित राजमार्ग एरियाबाट सुनसरी श्रीपुरका १९ वर्षीय आलम मियाँ र सोही स्थानका २७ वर्षीय समीर मियाँलाई प्रहरीले पक्राउ गरेको हो ।
विशेष सुराकका आधारमा खटिएको प्रहरी टोलीले बिहीबार बिहान ९ बजे पटकासहित उनीहरूलाई पक्राउ गरेको जिल्ला प्रहरी कार्यालय सुनसरीले जनाएको छ ।
राजमार्ग किनारमा पटका बोरा तथा कार्टुनमा लुकाई छिपाई राखेर सप्लाईका लागि मौका छोपी बसिरहेको अवस्थामा उनीहरूलाई नियन्त्रणमा लिइएको थियो ।
नियन्त्रणसँगै बोरा तथा कार्टुन खोलेर हेर्दा श्रीविजय–कोब्रा–६७ बन्डल पटका फेला पारी बरामद गरिएको हो ।
यसरी पटकासहित पक्राउ परेका दुवै जनामाथि थप अनुसन्धान तथा कानूनी कारवाही अगाडि बढाइएको जिल्ला प्रहरी कार्यालय सुनसरीले जनाएको छ ।
Copyright © 2019 / 2026 - Junkirikhabar.com All rights reserved
