कोरोना जोमिखलाई मध्यनजर गर्दै सुनसरी प्रशासनले दशैं तिहारमा मठ मन्दिरमा हुने पुजालाई निषेध गरेको छ ।
कोरोना संक्रमणको सम्भावनालाई मध्यनजर गर्दै प्रशासनले शक्ति पिठ लगायत मठ मन्दिरमा हुने नित्य पुजामा पुजारी बाहेकको उपस्थिति निषेध गर्ने निर्णय गरेको हो ।
प्रशासनले चाडबाड लक्षित सुरक्षा योजना सार्वजनिक गर्दै मन्दिर, मस्जिद तथा गुम्बाहरुमा गरिने नित्य पुजाआजा एकजना मात्रले गर्ने बाहेक सर्वसाधारणको प्रवेश बन्देज गरिएको जनाएको छ । प्रशासनले सर्वसाधारणका लागि मन्दिरमा पुजा, पार्थना, नमाज र ध्यान गर्न निषेध गर्ने निर्णय गरिएको जनाएको छ ।
दशैं तिहारमा पुजाआजाकालागि भीड लाग्ने हुँदा त्यसले कोरोनाको जोखिम बढाउने तर्फ सजक हुनु आवश्यक भएकाले उक्त निर्णय गरिएको जिल्ला प्रशासन कार्यालय सुनसरीले जनाएको छ ।
त्यसैगरी सुनसरी प्रशासनले दशैं, तिहार तथा छठ पर्व आ–आफ्नो घरमा परिवारसँग मात्र मनाउन भनेको छ । उसले सो अवधिमा मेला, जात्रा, भजन किर्तन समेत नर्गन जिल्लावासीमा आग्रह गरेको छ । अटेर गर्ने उपर कानुन बमोजिम कार्वाही गरिने समेत प्रशासनले जनाएको छ ।
Copyright © 2019 / 2026 - Junkirikhabar.com All rights reserved
