असोज २७, २०७७
जुनकिरी खबर

इटहरीमा पीसीआर परीक्षण नहुने

इटहरीमा भोलि (बुधबार) देखि पीसीआर परीक्षण नहुने भएको छ । इटहरी उपमहामनगरपालिकाका स्वास्थ्य शाखा प्रमुख रामचरण चौधरीका अनुसार किट अभाव भएका कारण स्वाब परीक्षण नहुने भएको हो ।

तत्कालको समयमा स्वाब नपठाउन प्रदेश र वीपी पतिष्ठानले भनेअनुसार आँफूहरुले स्वाब संकलन नगर्ने निर्णय गरिएको उनले बताए । इटहरी उपमहानगरपालिकाले मंगलबार एक विज्ञप्ती जारी गर्दै भनेको छ, ‘प्रदेश प्रयोगशाला विराटनगर तथा वीपी कोईराला स्वास्थ्य विज्ञान प्रतिष्ठानमा पठाई परीक्षण गराउने भएको हो ।

परीक्षणको नतिजा जानकारी गराउने तथा आवश्यक व्यवस्थापकीय कार्य गर्दै आएकोमा हाल दुईवटै ल्याबमा परीक्षणको लागि प्रयोग हुने रिएजेन्टको अभाव भएकाले सम्बन्धित स्वास्थ्य संस्थामा रिएजेन्ट प्राप्त भई सेवा प्रारम्भ नहुँदासम्म स्वाब संकलन गर्ने कार्य स्थगित गरिएको छ ।’