रोकिएको पीसीआर परीक्षण तत्काल सुरु गर्न इटहरी काँग्रेसले माग गरेको छ । इटहरी उपमहानगरपालिकाले इटहरीमा स्वाब संकलन रोकिएको सुचना प्रवाह गरे सँगै नेपाली काँग्रेस इटहरीले आपत्ती जनाउदै तत्काल सुरु गर्न माग गरेको हो ।
इटहरी उपमहानगरले परीक्षणको लागि रिएजेन्टको अभाव देखाउँदै परीक्षण बन्द गर्नु गैरजिम्मेवार भएको इटहरी काँग्रेसले टिप्पणी गरेको हो । परीक्षणको दायरा बढाउनु पर्ने बेला बन्द गरेर इटहरी सरकारले गैरजिम्मेवारी देखाएको इटहरी काँग्रेसको ठहर छ ।
नेपाली काँग्रेस इटहरीका कार्यवाहक सभापति कोविदजङ्ग कार्कीले स्वाब संकलन रोकिनु इटहरी सरकारको व्यवस्थापकीय कमजोरी भएको बताएका छन । एक विज्ञप्ती प्रकाशित गदै कार्कीले तत्काल पीसीआर परीक्षण सुरु गर्न माग गरेको छ । तत्काल परीक्षण नगरिए नेपाली काँग्रेस इटहरीमा संघर्षमा उत्रने चेतावनी समेत दिएको छ ।
इटहरीबासीको स्वास्थ्य सँग जोडिएको विषयलाई इटहरी सरकारले गम्भिरता नलिएको भन्दै तत्काल परीक्षण गर्न माग गरेको हो । दैनिक कोरोना संक्रमण बढ्दै जादा परीक्षण रोकिदा अवस्था थप जटिल हुने भन्दै नेपाली काँग्रेस इटहरीले स्वाब संकलनको दायरालाई थप फराकिलो बनाउन समेत माग गरेको हो ।
Copyright © 2019 / 2026 - Junkirikhabar.com All rights reserved
