कोरोना भाइरसको संक्रमणको जोखिम दैनिक बढिरहेको बेला बिना काम घरबाट निस्कने जो कोहि र मास्क नलगाइ सडकमा निस्किएका स्थानीयहरूलाइ प्रहरीले बुधबार दुइ घण्टा नियन्त्रणमा लिएर छाडेको छ ।
कोबिड १९ संक्रमणलाइ मध्यनजर गर्दै जिल्ला प्रसाशन कार्यालय सुनसरी , इटहरी उपमहानगर तथा सम्बन्धित सरोकारवालाहरूले केहि दिन अघि इटहरीलाइ रेडजोन सहित बिभिन्न स्थानलाइ निषेधित क्षेत्र तोकेको थीयो । रेडजोन र निषेधित क्षेत्रमा बिना काम हिडडुल गर्ने र मास्क नलगाइ बजारमा निस्किएका ५० जना भन्दा बढीलाइ प्रसाशनले नियन्त्रणमा लिएर २ घण्डा पछि छाडेको हाे ।
समुदाय स्तरबाट लापर्वाहि हुने गरेको ब्यापक गुनासो पछि बुधबार जिल्ला प्रसाशनको कार्यालय सुनसरीका अधिकृत तहका प्रतिनिधि त्रिलोचन न्यौपाने सहित उपमहानगरको अनुगमन टोलीले मास्क नलगाइ हिडने ५० भन्दा बढीलाइ नियन्त्रणमा लिएर छाडेको हो । करिब १ घण्टा गरेको अनुगमनमा ५० भन्दा बढी स्थानीयहरूलाइ नियन्त्रणमा लिइएको थीयो । नियन्त्रणमा लिइएका स्थानीयहरूलाइ इलाका प्रहरी कार्यालय इटहरीको प्रांगणमा राखेर कोरोना भाइरस संक्रमणबारे सचेतना जगाउदै छोडिएको थीयो ।
Copyright © 2019 / 2026 - Junkirikhabar.com All rights reserved
