कार्तिक १३, २०७७
जुनकिरी खबर

धरानमा कोरोना संक्रमितको लडेर मृत्यु

सुनसरीको धरान उपमहानगरपालिकाका एक जना कोरोना संक्रमितको बाथरुममा लडेर मृत्यु भएको छ । धरान उपमहानगरका स्वास्थ्य महाशाखा प्रमुख उमेश मेहताका अनुसार आफ्नै घरमा होम आइसोलेसनमा बसेका ४८ वर्षीय एक पुरुषको बुधबार दिउँसो लडेर मृत्यु भएको हो ।

उनका अनुसार बाथरुमबाट फर्कने क्रममा लडेपछि स्वास्थ्यकर्मीलाई घरैमा बोलाएर अस्पताल लैजाने तयारी हुँदाहुँदै उनका मृत्यु भएको हो । ज्वरो खोकी आएपछि कोरोना संक्रमणको आशंकामा उनी दुई सातादेखि घरैमा होम आइसोलेसनमा बसेका थिए ।