सिमावर्ती क्षेत्रमा कडाई गर्न १ नम्बर प्रदेश प्रहरी प्रमुख डिआईजी इश्वरबाबु कार्कीले निर्देशन दिएका छन । झापा र मोरङ जिल्लाका सिमावर्ती क्षेत्रका प्रमुख तथा सहयोगीहरुलाई कार्यालयमै बोलाएर डिआईजी कार्कीले कडा निर्देशन दिएका हुन ।
सिमा क्षेत्रमा बढ्दो तस्करी र प्रहरी मिलोमतोको उजुरी समेत बढ्न थालेको भन्दै सिमा क्षेत्रमा कडा गर्न निर्देशन दिएका हुन । कोरोनाको महामारीमा भारतिय प्रवेश र घुसपेट बढेको भन्दै यस्ता गतिविधि रोक्न डिआईजी कार्कीले निर्देशन जारी गरेका हुन ।
तस्करीहरु सँगको मिलोमतोलाई शुन्यसहनशिलताको नितिलाई अबलम्बन गर्न निर्देशन दिएका हुन ।
प्रहरी आचार संहिता २०७७ कार्यान्वयन गर्न समेत मातहतका प्रहरीहरुलाई निर्देशन दिएका हुन । प्रदेश प्रहरी कार्यालयले सिमा क्षेत्रमा थप मद्धत समेत पठाएको जनाएको छ ।
झापा र मोरङका सिमावर्ती क्षेत्रलाई उच्च प्रथामिकतामा राखिएको डिआईजी कार्कीले जनाएका छन । डिआईजी कार्की छड्के अनुगमनमा सिमावर्ती क्षेत्र समेत गएको जनाएको छ ।सिमामा मिलोमतो गर्ने केहि प्रहरीहरुलाई कारबाही समेत गरिएको प्रदेश प्रहरी कार्यालयले जनाएको छ ।
Copyright © 2019 / 2026 - Junkirikhabar.com All rights reserved
