सुनसरीको इटहरी उपमहानगरपालिका घर भएका कोरोना भाइरस संक्रमित दुई पुरुषको बिहीबार दिउँसो उपचारका क्रममा विराटनगरमा मृत्यु भएको छ । एक जनाको नोबेल शिक्षण र अर्का पुरुषको न्युरो अस्पतालमा ज्यान गएको हो । इटहरी–१८ का ५५ वर्षीय पुरुषको दिउँसो ३:३० बजेतिर नोबेल शिक्षण अस्पतालमा मृत्यु भएको हो ।
अस्पतालका प्रबन्धक नारायण दाहालका अनुसार श्वासप्रश्वासमा समस्या भएकोभन्दै पुरुषलाई उपचारका लागि कात्तिक १७ गते अस्पताल भर्ना गरिएको थियो । पीसीआर परीक्षण गराउँदा भोलिपल्ट रिपोर्ट पोजिटिभ आएपछि थप उपचारका लागि आइसोलेसनमा भर्ना गरिएको दाहालले बताए । उनका अनुसार दमको पुरानै समस्या रहेका पुरुषको उपचारका क्रममा आइसोलेसनमै ज्यान गएको हो ।
त्यस्तै इटहरी–४ का ७१ वर्षीय वृद्ध पुरुषको न्युरो अस्पतालमा दिउँसो ३:१५ बजेतिर मृत्यु भएको छ । श्वासप्रश्वासमा समस्या भएपछि कात्तिक १७ गते उपचारका लागि भर्ना गरिएका उनको पीसीआर परीक्षण गराउँदा त्यही दिन रिपोर्ट पोजेटिभ आएको अस्पतालका प्रशासकीय अधिकृत सुरेश आचार्यले बताए ।
Copyright © 2019 / 2026 - Junkirikhabar.com All rights reserved
