मंसिर १३, २०७७
जुनकिरी खबर

तालतलैयामा प्रहरी चौकी उद्घाटन

अस्थायी प्रहरी चौकी तालतलैया इटहरीको नवनिर्मित भवनको उद्घाटन गरिएको छ । कार्यालयको हाताभित्र एक बिशेष समारोहकाबीच १ नम्बर प्रदेशका आन्तरिक मामिला तथा कानूनमन्त्री हिक्मतकुमार कार्कीले भवनको उद्घाटन गरेका थिए ।

अढाई तले सुबिधा सम्पन्न उक्त भवन संसद बिकास कोष, स्थानीय सरकार, सरस्वती सामुदायिक वन, तालतलैया बिकास कोष र स्थानीय जनस्तरको सहयोगमा ७० लाखको लागतमा निर्माण सम्पन्न भएको हो ।

कार्यक्रममा प्रदेश सांसद सर्वध्वज साँवा, १ नम्बर प्रदेश प्रहरी कार्यालयका प्रमुख प्रहरी नायव महानिरीक्षक ईश्वर बाबुकार्की, सुनसरीका प्रमुख जिल्ला अधिकारी फडिन्द्रमणि पोखरेल लगायतको उपस्थिति रहेको थियो ।