वर्तमान केपी ओली नेतृत्वको सरकार दमनबिरुद्ध मात्रै केन्द्रित भएको भन्दै सुनसरी कांग्रेसले आन्दोलनको तयारी सुरु गरेको छ ।
नेपाली कांग्रेस सुनसरीका सभापति राजीब कोइरालाले मंगलबार सञ्चारकर्मीसँग कुरा गर्दै आँफूहरु आन्दोलनको तयारीमा उत्रिएको प्रतिक्रिया दिए ।
उनले भने, ‘हामीले यहि मंसिर २९ गते सरकारबिरुद्ध बृहत आन्दोलन गर्नेगरी तयारी गरिरहेका छौँ, सडकदेखि सदनसम्म हाम्रो आन्दोलन जारी रहन्छ ।’
केही दिन अगाडि पार्टीका बरिष्ठ नेता रामचन्द्र पौडेललाई जबरजस्ती रुपमा पक्राउ गर्नु सरकारको दमन रहेको भन्दै आँफूहरुले आन्दोलनको तयारी थालेको उनले बताए ।
‘केन्द्रको निर्देशनअनुसार नै हामीले आन्दोलनको तयारी थालेका हौँ,’ प्रदेश १ का विपक्षी दलका नेता समेत रहेका कोइरालाले भने, ‘कोभिडको समयमा सरकार जनताप्रति गम्भीर बन्न नसकेको अवस्था छ, दमनको बिरुद्धमा मात्रै सरकार केन्द्रित भएकाले आन्दोलमा जुटेका हौँ ।‘
कोरोनाले मुलुक ग्रसित रहेको उल्लेख गर्दै उनले सरकारले जनतालाई राहत दिने किसिमको कुनै पनि प्याकेज ल्याउन नसकेको र स्वास्थ्यमाथि गम्भीरता हुन नसकेको आरोप लगाउँदै उनले दमनको पक्षमा सरकार उभिएको आँफूहरु कठोर आन्दोलनमा उत्रिने चेतावनी दिए ।
Copyright © 2019 / 2026 - Junkirikhabar.com All rights reserved
