नेपाली काँग्रेस सुनसरीले सदरमुकाम इनरुवामा बिरोध सभाको आयोजना गरेको छ । सभा पूर्व काँग्रेन नेता कार्यकर्ताले इनरुवामा जुलुस निकालेका थिए । सरकार बिरोधी प्रदर्शनमा काँग्रेस समर्थितहरुको बाक्लो उपस्थिति रहेको थियो ।बिरोध प्रदर्शन प्रश्चात नेपाली काँग्रेस सुनसरीले इनरुवाको बस चौकमा सभाको आयोजना गरेको छ ।
सो सभालाई काँग्रेसका केन्द्रिय सदस्य तथा पूर्व अर्थ मंत्री ज्ञानेन्द्र कार्कीले सम्बोधन गर्नु भएको छ । बिरोध सभालाई सम्बोधन गर्दै नेता कार्कीले ओली सरकार सर्वसत्तावाद तर्फ उन्मूख भएको भन्दै नेकपा सरकारको अवसानको दिन आएको बताउनु भयो ।
वहाँले मुलुकमा ब्याप्त भ्रष्टाचार, महंगी, अन्याय र अत्याचारबाट जनता आजित भएको भन्दै सरकार प्रति जनताको विश्वास गुमी सकेको बताउनु भयो । काँग्रेसले प्रमुख प्रतिपक्षीको भूमिकामा रहेर सरकारलाई सच्चिन बारम्बार सचेत गराउँदै आएको बताउनु भएका कार्कीले त्यसका बाबजुत ओली सरकार एकल निर्णय गर्दै अधिनायकवाद तर्फ लम्केकाले अब भने स्वयं जनताले उचित निर्णय लिने समय आएको धारणा राख्नु भयो ।
Copyright © 2019 / 2026 - Junkirikhabar.com All rights reserved
