उपभोक्ताहरुको भान्सामा प्रयोग गरिने अतिनै प्रज्वलनशिल एल पि ग्यासका आफना उपभोक्ताहरुलाई सुरक्षित वनाउने उद्धेश्यले प्रिमा ग्यास उद्योगले विभिन्न कारणले गुणस्तरहीन बन्न पुगेका करिब ७सय सिलिण्डर नष्ट गरेको छ । एभरेष्ट ग्यास समुह अन्र्तगत सुनसरीको इटहरीमा सञ्चालनमा रहेको प्रिमा ग्यास उद्योगले प्रयोग गर्न जोखिमपुर्ण अवस्थामा पुगेका ६सय ९० थान एलपि ग्यास सिलिण्डर नष्ट गरेको हो ।
प्रिमा उद्योगका सञ्चालक सुदिप घिमीरेले म्याद गुज्रिएका , प्वाल परेका , हाइडे टेष्टमा फेल भएका सिलिण्डरहरु नष्ट गर्ने एभरेष्ट ग्यास समुहको अन्र्तगतका उद्योगहरुको निती अनुसार नष्ट गरिएको जानकारी दिए ।
उनले आफनो कम्पनीका ग्यास उद्योगका ३ लाख उपभोक्ता रहेको वताउदै उपभोक्ताहरुको सुरक्षालाई मध्यनजर गर्दै गुणस्तरहिन ग्यास सिलिण्डर नष्ट गरिएको वताए । घरेलु तथा साना उद्योग कार्यालय, गुणस्तर तथा नापतौल कार्यालय , जनप्रतिनिधि , प्रहरी प्रशासन लगायतका प्रतिनिधिहरुको रोहोवरमा प्रिमा ग्यास उद्योगले गुणस्तरहिन एलपि ग्यास सिलिण्डर नष्ट गरेको हो ।
Copyright © 2019 / 2026 - Junkirikhabar.com All rights reserved
