माघ १६, २०७७
जुनकिरी खबर

इटहरीको काव्य वाटिका मास्न खोजेको प्रति विरोध

सुनसरीको इटहरी ५ मा रहेको पर्यटकीय गन्तब्य काब्य बाटिका क्षेत्रमा वडा कार्यालय बनाउन रुखहरु काट्न सुरु भएको छ । तर स्थानीयहरुले भने काव्य बाटिकालाई मास्न खोजेको भन्दै स्थानीयहरुले विरोध जनाएका छन ।

इटहरी ५ मा रहेको २ विगाह १९ कठ्ठा जमिनमा बहुसास्कृतिक पर्यटकीय क्षेत्रको कल्पनाका साथ सुरु भएको काब्य बाटिकालाई अहिले वडा कार्यालय बनाउने तयारी गरेको भन्दै स्थानीयले तत्काल वडा कार्यालय बनाउने निर्णय रोक्न माग गरेका हुन ।
इटहरीको गहनाको रुपमा रहेको काब्य बाटिकालाई संरक्षण गर्नुको साटो रुखहरु काट्न थालेको भन्दै स्थानीय युवा गोपाल गिरीले आपत्ती जनाए । काव्य बाटिकालाई संरक्षण गरेर पर्यटकिय क्षेत्र बनाउनु पर्छ रुखहरु कटान गर्ने काम रोकियोस उनले भने ।

यस क्षेत्रलाई पर्यटकीय स्थल बनाउन माग गर्दै युवाहरुले वडा कार्यालय त्यहाँ नबनाउन माग गरेका हुन । स्थानीयहरुले यस बाटिकालाई संरक्षण गरेर पर्यटकीय क्षेत्र बनाउन स्थानीय टोल विकासहरुले समेत माग गर्दै आएका छन ।