सुनसरीको गढी गाउँपालिका २ स्थित औरावनीमा एक परिवार घर जानकारी बिना भत्काइदिएपछि बिचल्लीमा परेका छन् । औरावनीका देवनारायण चौधरीको जग्गा धनी आस नारायण चौधरीले जानकारी नदिई घर र अगाडीको आँगन खनेर भत्काइदिएपछि अहिले यो परिवार बिचल्लीमा परेको हो ।
औरावनीमा पीडित चौधरी परिवारले पत्रकार सम्मेलन गरी घर र आँगन क्षति गरेको क्षतिपूर्ति र स्थान तरणको माग गरेका छन् । २ सय वर्षदेखि भोग चलान गदै आएको जमिनमा आस नारायण चौधरीका छोरीले डोजर लगाएर भत्काएको पत्रकार सम्मेलनमा जानकारी दिइएको थियो ।
पूर्व सूचना नदिई एक्कासि घरमा कोही नभएको समयमा वितण्डा मच्चाएको प्रति पीडित देवनारायण चौधरीले पत्रकार सम्मेलनमा गुनासो गर्नुभएको थियो ।
जमिन खाली गर्ने विषयमा दुवै बिच विवाद भइरहेको अवस्थामा यो घटना भएको बताइएको छ । साथै घर भत्काउने क्रममा घरमा रहेको ५ तोला सुन र ६० हजार नगद समेत गायब भएको चौधरीको दाबी छ । एक कण्ठा जमिनमा रहेको घरमा अहिले खाल्डो बनाइदिएपछि छिमेकीको घरमा रात बिताउनु भएको पीडित परिवारले बताएका छन् । घटनाको विषयमा गढी गाउँपालिकाको न्यायिक समितिमा उजुरी दिने समेत चौधरी परिवारले पत्रकार सम्मेलनमा जानकारी दिएका छन् ।
गत माघ १५ गते अतीत चौधरीको समूहमा आएका १५–२० युवाहरूले घर तोडफोड गर्नुको साथै डोजरले घर बिगार्दिएको बताइएको छ । चौधरीको ५ जना परिवार छन् ।
