इटहरी २ पीपलचौक स्थित कोशी लोकमार्गमा दुर्घटना हुँदा दुईजनाको मृत्यु भएको छ ।
धरानबाट इटहरीतर्फ आउँदै गरेको प्र. १–०१–०४४ प १२५६ नं. को मोटरसाइकल आफैँ अनियन्त्रित हुँदा दुईजनाको मृत्यु भएको हो ।
पूर्व क्षेत्रीय ट्राफिक प्रहरी कार्यालय इटहरीले दिएको जानकारी अनुसार उदयपुर रुपाटार २ घर भई हाल इटहरी ८ बस्ने बर्ष ५० को नुरजंग मल्ल र मोटरसाइकलमा सवार उनका बुवा बर्ष ८२ को कुबेर बहादुर मल्लको मृत्यु भएको हो ।
दुर्घटनाबाट उनीहरु दुवैजना गम्भीर घाइते भई उपचारको लागि धरानस्थित वीपी कोइराला स्वास्थ्य विज्ञान प्रतिष्ठानमा पठाएपनि उपचारको क्रममा मृत्यु भएको प्रहरीले जनाएको छ ।
तीब्र गतिका कारण दुर्घटना भएको प्रहरीको प्रारम्भिक अनुसन्धानबाट खुलेको छ ।
Copyright © 2019 / 2026 - Junkirikhabar.com All rights reserved
