तीन दिनदेखि वेपत्ता भएका धरानका दुइ बालक इटहरीमा फेला परेका छन् । माघ २६ गते धरान–१५ दशरथपथ बस्ने १२ वर्षीय शंकल्प लिम्बू र धरान–८ बरगाछी बस्ने ११ वर्र्षीय सुन्दर तामाङ बेपत्ता भएका थिए ।
उनीहरु धरान ८ स्थित शहीद स्मृति माविमा कक्षा ५ अध्ययनरत छन् । पाचकक्षाको परीक्षा दिइसकेपछि सोमबार करिव ३ बजे देखि वेपत्ता भएका थिए । परीक्षा सकेलगतै सुन्दर तामाङ घरमा पुगेर स्कुलड्रेस पविर्तन गरी शंकल्पसंग इटहरी जाने बसमा चढेका थिए । इटहरीस्थित भ्वाइस अफ चिल्ड्रेन संस्थाका परिचालकले तामाङ र लिम्बुलाई धरानको स्कुलको ड्रेसमा मंगलबार बेलुका घुमिहिडेको देखेपछि सोधपुछ गरेर कार्यालयमा राखेका थिए । उनीहरु घरबाट किन भागेको हो खुलेको छैन ।
इलाका प्रहरी कार्यालयका प्रहरी नायव उपरीक्षक ज्ञानेन्द्र बस्नेतले वेपत्ता भनिएका बालकहरु फेला परेकाले उनीहरुका अभिभावकलाई सम्पर्क गरेर जिम्मा दिने तयारी भइरहेको बताए । यसअघि दुवै वालकका अभिभाकले आफ्ना छोरा वेपत्ता भएको खोजि गरिदिन प्रहरीमा निवेदन समेत दिएका थिए ।
Copyright © 2019 / 2026 - Junkirikhabar.com All rights reserved
