काममा ढिलासुस्ति गरेकै कारण आफ्नो व्यवसायमा असर परेको भन्दै मंगलबार विराटनगरलाइनमा व्यवसाय गर्ने व्यवसयीहरुले बाँसको बार लगाएर सडक अवरुद्ध गरेका छन् । सडकको काम सुस्त हुँदा पनि स्थानीय तहबाट कुनै पहल नभएकाले सडक अवरुद्ध गर्न बाध्य भएको व्यवसायीहरु बताउँछन् ।
विराटनगरलाइनको राधाकृष्ण मन्दिरअगाडि एकतर्फी बाँसको बार लगाएर बाटो अवरुद्ध गरेपछि सवारीसाधनहरु इटहरी चौकबाट बीपी चौक हुँदै विराटनगर जाने र उताबाट आउने सवारीसाधनहरु पनि त्यही रुट भएर आवाताजावत गरेका थिए । झण्डै एक घण्टा जति जाम भएपछि इलाका प्रहरी कार्यालय र ९ नम्बर वडाका वडाध्यक्ष भूपेन्द्र वरालको नेतृत्वमा सडक खुलाइएको थियो ।
Copyright © 2019 / 2026 - Junkirikhabar.com All rights reserved
