सुनसरीको धरानबाट प्रहरीले लागूऔषधसहित सातजना मानिसहरुलाई पक्राउ गरेको छ ।
ईलाका प्रहरी कार्यालय धरानले सोमबार धरानका विभिन्न ठाउँमा छड्के जाँच गरी लागूऔषधसहित सातजनालाई पक्राउ गरेको हो ।
प्रहरीका अनुसार धरान ३ बस्ने ३० वर्षीय विनय तामाङ, २५ वर्षीय उत्सव श्रेष्ठ र ३० वर्षीय उमेश श्रेष्ठलाई लागूऔषध खैरोहिरोइन सहित प्रहरीले पक्राउ गरेको हो । लागूऔषध बेचबिखन भइरहेको भन्ने विशेष सूचनाको आधारमा उनीहरुलाई पक्राउ गरिएको सुनसरी प्रहरीले जनाएको छ ।
त्यस्तै, धरान १५ सयपत्री मार्ग स्थितबाट स्थानीय ४० वर्षीय कृष्ण थापा मगरलाई लागूऔषध सहित पक्राउ गरेको छ । त्यस्तै, प्रहरीले धरान ७ बाट धरान १३ बस्ने २६ वर्षीय ओमप्रकाश कार्कीलाई लागूऔषध खैरोहिरोइन सहित पक्राउ गरेको जनाएको छ ।
प्रहरीले धरान ८ लाङघाली चौक बस्ने ४५ वर्षीय यज्ञ बहादुर खड्कालाई पनि लागूऔषध सहित पक्राउ गरेको छ । त्यस्तै, धरान ८ नै बस्ने २९ वर्षीय आकाश श्रेष्ठलाई पनि लागूऔषधसहित पक्राउ गरेको छ ।
लागूऔषधसहित पक्राउ परेकाहरुलाई आज मंगलबार सुनसरी जिल्ला अदालतबाट लागूऔषध मुद्दामा म्याद थप गरी ईलाका प्रहरी कार्यालय धरानले थप अनुसन्धान गरिरहेको छ ।
Copyright © 2019 / 2026 - Junkirikhabar.com All rights reserved
